Gott mittendrin

Ein Gebet in unserer Zeit:

Danke Jesus vo ganzem Herze,
dass die grossi Gschicht,
wo du mit uns Mensche schriebsch,
grad ine ganz spannendi Rundi gaht!
Mir riiche Westler wärde mol mitere Bedrohig konfrontiert…
Jesus, I bi so ready,
dass du mi wachrüttlisch –
mis verstockte Herz weich chnätisch
und ich endlich emol
es Verständnis bechumm
für die Mensche,
wo scho lang zunere Risikogruppe ghöre
und somit ständig
mitem Tod konfrontiert sind.
Für mini Eltere & Grosseltere
bini gern bereit dehei usharre…
mit mine Liebschte –
im Huus mit Garte…
Doch was bini bereit zum (uf-)geh
für Chindr wo hart müesse schaffe –
Für Mensche, wo sich vor Hunger
nüm möge bewege und für alli,
die wo  no nie es Dach
überem Chopf gha hän.
Mensche, wo genau so
zum grosse Ganze ghöre wie ich
Sött ich nid genauso betroffä si
vo all däm…
Bitte Jesus überschütt mi
mit dire Sicht…
Du heschs im Griff –
dir ghört die Welt!